شەفەق نیوز/ ئومێد عەلی وەڕێوبەر خەسەخانەی شار لە شار سلێمانی، ئمڕوو یەکشەممە، ئاشکرای ئامارەیل خەسەخانەگە لە ماوەی رووژەیل جەژن کرد.
عەلی لە کۆنگرەیگ رۆژنامەوانی لە خەسەخانەگە و ئاژانس شەفەق نیوز ئامادەی بوی وت: ئومید لە گشتی خوازم پابەند وە ریکارە مقەیەتیەکان لە ڤایڕۆس کۆڕۆنا بوون.
وەڕێۆبەر خەسەخانەگە وتیش؛ ٤٣٥١ بیمار سەردان خەسەخانەگە کردنە، و ئی شمارە گەورەس، و نشان دا ک فرەی هووکارەیل بیماریەیلە لە گوشت سوور بویە.
وتیش؛ شمارەی سەردانکەرەیل لەوەر رووداوەیل هاتووچو رەسیە ٨٨ کەس، و ١٧ کەس لەوەر مرافەیل سەردان خەسەخانەگە کرد.
و راگەیان مردن ٦ کەس لەماوەی رووژەیل جەژن، ٥ لەلیان لەوەر بیماری دڵ بوی، و یەکیگ لە مرافەیگ.