شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان, هاوخه‌مى خوه‌ى ده‌رخست ئه‌را كه‌س وكار قوربانيه‌يل ئه‌و زه‌ويه‌له‌رزه‌ ك روێدا له‌شارئه‌لئه‌زيز و شماره‌يگ هاووڵاتى له‌تى گيان له‌ده‌سدان.

بارزانى له‌ په‌يوه‌ندييگ ته‌له‌فۆنى وه‌ل مه‌ولود چاوش ئۆغلۆ وه‌زير خارجيه‌ى توركى، هاوخه‌مى خوه‌ى ده‌رخست و پرسه‌و سه‌ره‌خوه‌شى پيشكه‌ش وه‌ حكومه‌ت و كه‌س و كار قوربانيه‌يل كرد و ئوميد خاسبوينه‌وه‌ى گورجيگ ئه‌را زه‌خمداره‌يليش خواست.

جى باسه‌، شه‌و گوزه‌يشت زه‌ويه‌له‌رزه‌يگ شار ئه‌لئه‌زيز( خارپێت) له‌رزان وه‌گووره‌ى ئاماره‌يليش تائيسه‌ 22 كه‌س گیان له‌ده‌سدانه‌و هه‌زار و 243 هاووڵاتیيش زه‌خمدارن.