شەفەق نیوز/ ئەنجومەن وەزیران هەرێم کوردستان، ئمڕوو چوارشەممە، دانیشتن ئاسایی کرد وە سەرۆکایەتی مەسرور بارزانی وە ئامادەبوین قوباد تاڵەبانی جیگر سەرۆک ئەنجومەن وەزیران.

لە سەرەتای کۆبونەوەگە، سەرۆک ئەنجومەن وەزیران باس خەفەت خوەی کرد لە بەرزەوبوین تووشهاتنەگان ومردنەگان لەوەر ڤایڕۆس کۆڕۆنا، وداوا لە گشت دامەزراو و فەرمانگە حکومەتیەگان کرد پابەندبوون وە ریکارە مقەیەتیەگان و رینما تەندروسیەگان، وهەمیش داوا لە هاووڵاتیەگان کرد گشت تەقەلایان بیەن ئەرا مقەیەتی سەڵامەتییان.

لە کۆبونەوەگە هەمیش سەرۆک ئەنجومەن وەزیران جەختکرد لە گرنگی بتەوکردن ئەمن لە عراق و مقەیەتی باڵیۆزخانە وشاند ونووسینگە دبلۆماسیەگان لە بەغداد، ودووپاتکریا ک خراوبوین رەوش عراق لە بەرژەوەنی هاووڵاتیە عراقیەگان وە شیوەیگ گشتی نیە و هەمیش هەرێم کوردستان.