شەفەق نیوز/ وەزیر تەندروسی هەرێم کوردستان سامان بەرزەنجی، ئمڕوو سێشەممە، راگەیان، حکومەت هەرێم کوردستان فەرمان خەرجکردن پەنج ملیار دینار عراقی کاش کردیە ئەرا دابینکردن دەرمان و پیداویستی تەندروسیەگان خەسەنخانەیل گشتی.
بەرزەنجی لە پەراوێز سەردانیکردنی ئەرا خەسخانەی قەزای" پیرمام" لە هەولێر بەیانیگ ئەرا رووژنامەوانەیل وت: حکومەت هەرێم کوردستان بودجەیگ مانگانە تەرخان کردیە ئەرا دەرمان سەنین وە شیوەی کاش ئەرا گشت شارەیل کوردستان".
وتیش؛ پەنج ملیار لە جەم ۷ ملیار بڕیار دریاگە وە شیوەی کاش خەرج بکریەد لەڕی بانکەیلەو، دووپاتکرد ئیەش بوودە هووکار داوەزین دەرمانەگە و زیاتربوین نرخەگەی و بەرزەوبوین کوالێتی.
دیاریکرد، گیچەڵ دابینکردن پویل ئەرا سەنین دەرمان لەی مانگەو کۆتایی تێد لەدویای خەرجکردن ئەو بڕە پویلە.