شەفەق نیوز/ مەسرور بارزانی سەرۆک حکومەت هەرێم کوردستان، ئمڕوو چوارشەممە، فرووشتن نەفت خام لە کێڵگەیل هەرێم و کەمتر لە نرخ کۆمپانیای سۆمو نەرێن کرد.
لە کۆنگرەیگ رۆژنامەوانی ئاژانس شەفەق نیوز ئامادەی بوی وت: کەسەیلیگ هەس ئووشن گوایە هەرێم خامەگەی وە ١٠ دۆلار کەمتر لە نرخ سۆمو فروزدوشێد، و ئەوە هیچ راس نییە.
و دووپات کرد ک ئیمە ئامادە نییمن گشت باوەت نەفتەگە بیەیمنە دەس، ک ئەوە واتە بایەدە گەل کوردستان واز لە مافە دەستووریەگەی بارێد.