شەفەق نیوز/ رێباز حەملان، دەسمیەتیکار سەرۆک ئەنجومەن وەزیرەیل هەرێم کوردستان ئەرا کاروبار ئابووری و ئیداری، ئمڕوو سێشەممە، وت؛ یەک ترلیۆن دینار عراقی خوازیمن ئەرا خەرجکردن مووچەی مانگ تشرین یەکەم ئەرا فەرمانبەرەیل و کارمەنەیل کەرت گشتی لە هەرێم کوردستان.
حەملان لە پەراویز ئامادەبوینی لەناو دیدار "ميری" لە هەولێر ئەرا رووژنامەنویسەیل وت: ئیرنگە دوو شاند حکومەت هەرێم کوردستان لە بەغداد هەس، یەکیگیان ئەرا باسکردن لە باوەت هەشمارکاری دانیشتگەیل عراقی کە بڕیارە لە مانگ ئایندە ئەنجامی بەێد.
وتیش: ئەو شاندەگە لە وەزارەت دارایی و ئابووریە، کە لیست مووچەیل وەگەرد خوەی برد ئەرا بەغداد، کە وەگورەی ئەو لیستە 996 مليار دينار خوازیمن ئەرا خەرجکردن مووچەی مانگ تشرین یەکەم.