شەفەق نیوز - هەولێر

ناوەن هاوبەش ئەرا هەماهەنگیکردن قەیرانەیل لە هەرێم کوردستان، ئمڕوو پەنجشەممە، قورتارکردن شەش گەنج لە خەڵک ئیدارەی ناوچەی "راپەرین" راگەیان کە لە لیبیا دەستگیرکریابوین و  وە سەلامەتی ئەرا هەرێم گلەودریان، دیاریکرد  وە داوەزیان رێژەی کووچ لەری ریەیل لیبیا وە رێژەیگ گەپ.

ناوەنەگە لە بەیاننامەیگ  رەسیە  ئاژانس شەفەق نیوز دیاری کرد  ئی گامە لە چوارچمگ تەقەلایەیل حکومەت هەرێم کوردستان بویە ئەرا شوونکەفتن دۆسیەی کووچبەرەیل، وەپای تەمەیل سەرۆک حکومەت وە راسپاردن وەزارەت ناوخوەی و فەرمانگەی پەیوەنییەیل دەیشت ئەرا گردنەوەر رێکارەیل وەپەلە ئەرا گەردین لەدویای ئەو گەنجەیلە کە وەرجە ئیە ئاگاداری لە بێسەروشوینبوینیان دريابوی و گلەودانیان ئەرا ماڵەیل خوەیان.

بەیاننامەگە ئاشکرا کرد  ئەو شەش گەنجە وە دەسمیەتی نوێنەریگ لە فەرمانگەی پەیوەنییەیل دەیشە رەسێنە هەرێمەگە، و لە فرۆکەخانەی هەولێر ناودەوڵەتی وە لایەن تیمەیل وەزارەت ناوخوەی وەرگیری لەلیان کریا، کە لە لایەن تیمەیل تەندروسی وشکنین و دەرمان هەوەجەکریاگ ئەڕایان کریا وەرجە ئەوەگ وە سەلامەتی بڕەسنە دەس خێزانەیلیان.

ناوەندەگە دیاریکرد ئەرا پەیاکردن 14 گەنج ترەک لە هەمان ناوچە لە ناو زیندانەیل لیبیا، کە رێکارەیل ئیداری دەسوەپیکردیە ئەرا ئازادکردنیان و دابینکردن گلەودانیان ئەرا هەرێمەگە لەماوەی چەن رووژ ئایندە، وە دووپاتکردن لە وەردەوامبوین تەقەلایەیل ئەرا ئاشکراکردن  10 گەنج ترەک کە هێمان لە گەنجەیل ناوچەی "راپەرین" بێسەروشوینن.

بەیاننامەگە دیاریکرد رێژەی کووچکردن لەماوەی چەن مانگ گوزەشتە داوەزیان دیاریگ وەخوەی دیە، کە وەکارهاوردن ری لیبیا ئەرا کووچکردن وە رێژەی 87% داوەزیا، وەگەرد وەردەوامبوین تەقەلایەیل حکومەت ئەرا کەمەوکردن ئی دیاردە.