شەفەق نیوز/ سەرۆکایەتی حکومەت هەرێم کوردستان، ئمڕوو چوارشەممە، شەرمەزار ئەو گورزەیلە کرد ک بارەگایل حزبەیل کورد ئێرانی ئۆپۆزسیۆن لە پارێزگایل هەولێر و سلێمانی کردنە ئامانج، و بویە هوکار بڕیگ کوشیان و زەخمداری.

سەرۆکایەتی حکومەت هەرێم کوردستان لە بەیاننامەیگ ئمڕوو وت: وە تونی شەرمەزار پێشێلکردن سەروەری خاک هەرێم کوردستان وە  مووشەکواران چەنباریگ کەیمن.

بەیاننامەگە وتیش: پەلامارداین بنکەیل ئۆپۆزسیۆن وە مووشەک لە لایەن کۆمار ئیسلامی ئیران، وە هەر دەسپیچگیگ، هەڵوێستێگ ناڕاس و ئاڵشتکردن  رەوت رویداوەیلە.

بەیاننامەگە وتیش:  ئیمە شەرمەزار ئی پەلامارەیلە کەیمن، ک تا ئیسە لەبان خاکمان جیوەجی کریەن، ک بوینە هوکار کەفتن قوربانیەیل مەدەنی، و بایەتە سنووریگ ئەرا ئی پەلامارەیلە دانریەێد.