شەفەق نیوز/ وەزارەت دارایی و ئابووری لە هەرێم کوردستان، ئمڕوو یەکشەممە، خشتەی مووچەی فەرمانبەرەیل و کراکارەیل کەرت گشتی لە هەرێم کوردستان، ئەرا مانگ تەمووز گوزەشتە راگەیان.
وەزارەتەگە لە بەیاننامەیگ رەسیە ئاژانس شەفەق نیوز وت: لە سوو دووشەممەو 25 مانگ ئەیلوول دەسکەێدە بەشەوکردن مووچەی مانگ تەمووز ئەرا فەرمانبەرەیل حکومەتی.
خشتەگە نشان دەێد کە بەشەوکردن مووچە تا 12 رووژ وەردەوامە تا 8 تەشرین یەکەم ئایندە.
شەوەکی ئمڕوو، وەزارەتەگە راگەیان کە بانک رافدەین 250 ملیار دینار خستیەسە هەژمارەگەی، ئەرا بەشەوکردن مووچەی فەرمانبەرەیل.