شەفەق نیوز/ حکومەت هەرێم کوردستان، ئمڕوو پەنجشەممە، راگەیان 16 هەزار پسای تونوتیژی دژ وە ژنەیل توومارکریاگە لەماوەی ساڵ 2022.
حکومەت لە بەیاننامەیگ ک رەسیە ئاژانس شەفەق نیوز دووپاتکرد، " وە پابەندبونیان وە پارێزگاریکردن لە ژنەیل و مسۆگەرکردن مافەیلیان، و کارکردن لەبان داکاریکردن ئەو کەسەیله تونوتیژی وەرانوەر وە ئافرەت و خێزان کەن تا سزای دادپەروەرانەی خوەیان لە چوارچمگ یاسا وەربگرن.
وتیش، " هەرێم کوردستان لە ماوەی ساڵ گوزەشتە نزیکەی 16 هەزار پسای تونوتیژی توومارکردیە، ک فرەیگیان لەری ئاڵشتکردن چارەسەرکریانە، و سێ هەزار توومەتباریش دەسگیر کریایە".