شەفەق نیوز ـ هەولێر
حکومەت هەرێم کوردستان، ئمڕوو پەنجشەممە، پەو راپۆرتەیە رەدکرد کە باس لە رۆل هەرێم کوردستان کەن لە چەکدارکردن لایەنە کوردیەیل ئۆپۆزسیۆن و کلکردنیان وەناو ئران، و دووپاتکرد ئی بانگەشەیلە "وە تەواوی دویرن لە راسی".
قسەکەر هەرێم کوردستان پێشەوا هەورامی لە بەیاننامەیگ رەسێە ئاژانس شەفەق نیوز وت " ئەو راپۆرتەیلە باس لە رۆل هەرێم کوردستان کەن و بانگەشەیلە کەن ئیمە بەشیگین لە پلان چەکدارکردن و کلکردن لایەنە کوردیەیل ئۆپۆزسیۆن ئەرا ناو خاک ئیران، گشتی دویرە لە راسی و وە گشت جویریگ رەدیکەین".
وتیش، ئێ توومەتەیله "وە مەبەست بڵاوکریاس" دووپاتکرد هەرێم کوردستان و حیزبە بنەرەتیەیلی " بەشیگ نین لە هویچ هەڵمەتیگ فراوانکرن ئاگر جەنگ و وردەوردەیل ناوچەگە".
دیاریکرد، هەرێم کوردستان داوای ئاشتی و سەقامگیری ناوچەگە کەێد " وەتونی شەرمەزار پەلامارە ترسنۆکانەیل کەیمن کە هەرێم کوردستان گرێدە ئامانج".
داوا لە حکومەت فیدڕاڵی و کۆمەڵەی ناودەوڵەتی کەین دەسوەردان بکەن ئەرا وسانن ئێ دەسدرویژیەیلە، و کارکردن ئەرا پاراستن زەوی هەرێم و میلەتەگەی.