شەفەق نیوز/ حکومەت هەرێم کوردستان، ئمڕوو دوشەممە، بەشەوکردن مووچەی مانگ تەمووز تەواوکرد، و دەسکردە وە هویردبینی ئەرا لیست مووچەی مانگ ئاب.

سەرچەوەیگ لە وەزارەت دارایی وە ئاژانس شەفەق نیوز وت، زیاتر لە 900 ملیار دینار دابینکریاگە ئەرا مووچەی مانگ ئاب 2022، ئمڕوو دەسکریەێد وە هویردبینی لیست مووچەی گشت فەرمانبەرەیل.

وتیش، تەنیا چشتیگ مەنیە ک بڕیار بەشەوکردن مووچەس، چوینکە هویردبینی لیست مووچە لە دوو ئەرا سێ رووژتر وەلایەن خەزینە کۆتایی تێد.

سەرچەوەگە ئاشکەرایکرد، لیست مووچە وەرجە بیس و پەنج ئی مانگە ئامادەکریەێد چەوەری بڕیار بەشکردنی کەن.

سەرچەوەیگتر ک نەتواست خوی ئاشکەرا بکەێد راگەیان، بڕیارە لە کۆتایی ئی مانگە یا سەرەتای مانگ ئەیلوول دەسبکریەێد وە بەشکردن مووچە.