پێشەوا هەورامی قسەکەر حکومەت هەرێم کوردستان لە کۆنگرەیگ رووژنامەوانی لە پارێزگای هەڵەبجە وت: دیرکەفتن کلکردن مووچەیل وەلایەن حکومەت فیدڕاڵی لەوەر ئەو نییە کە گوایە ناو ٣٠ هەزار کە ەی لە لیست مووچەی فەرمانبەرەیل هەرێم زیای بویە.
هەورامی دیاری کرد کە کارەیلیگ سیاسی هاتە پشت دیرکەفتن مووچەیل لە رەفتار (ورسگکردن گەل کوردستان) وەنە هویچ دەسپیچگیگ مەعقول لەلای ححوحەت فیدڕاڵی نیە لە بڕین مووچەی فەرمانبەرەیل هەرێم کوردستان.
هەورامی باس خەفتی کرد کە ئەوەگ لە کلنەکردن مووچەی فەرمانبەرەیل هەرێم کوردستان بوود خوەی شکانن دەستوور عراقیە، و بڕیار دادگای فیدراڵی، و بنەمایل شەرمی ماف مرۆڤ، و داب، رێکەفتتەیل سیاسی.
وتیش: گشت نووڕین و داوایل حکومەت فیدراڵی وەتایبەت وەزارەت دارایی حکومەت هەرێم کوردستان جیوەجییان کرد، و گیرهاوردن مووچەی فەرمانبەرەیل هەرێم کوردستان تا ماوەی زیاتر لە ٥٠ رووژ کاریگ ستەمە.