شەفەق نیوز/ حکومەت هەرێم کوردستان، ئمڕوو دووشەممە، تەواوبوین ئامادەکاری ئەرا ئەنجامدان هەڵوژاردن پەرلەمان لە هەرێم راگەیان.
جوتیار عادل قسەکەر حکومەت هەرێم کوردستان لە بەیاننامەیگ رەسیە ئاژانس شەفەق نیوز وت: ئیمە جویر حکومەت هەرێم کوردستان، گشت چشتیگ لەلای ئامادەکاری ئەرا ئەنجامدان هەڵوژاردن پەرلەمان ئامادە کردیمن.
وتیش: وەلایەن دارایی و ئاسایش و دابینکردن کەشوهەوای ئەرینی ئەرا ئەنجامدان هەڵوژاردن ئامادە کریا، و دووپات لە ئامادەیی ئەرا پشتگیریکردن هەڵوژاردن و دابینکردن گشت خوازینەیل لۆجیکی و دارایی کرد، و یە لە ئەرکە فرە گرنگەیلە و لە گرنگی کار حکومەتە.
پیرەکە شەممە، هەفتە حزب کوردستانی رێککەفتن لەبان ئەنجامدان هەڵوژاردن پەرلەمان کوردستان وە سیستەم بازنەیل هەڵوژاردن راگەیانن، و پشتبەسان وە لیست بایۆمەتری لەلای کۆمسیۆن باڵای هەڵوژاردن لە عراق، و گورجکردن کۆمسیۆن هەڵوژاردن لە هەرێم کوردستان.