شەفەق نیوز/ وەزارەت ئاوەدانی و نیشتەجیکردن لە حکومەت هەرێم کوردستان، ئمڕوو چوارشەممە، بەشەوکردن ١٠ هەزار یەکەی نیشتەجییوین لە چوار پارێزگایل هەرێم ئیدارەیل سەروەخوەی راگەیان.

وەزیر لە کۆنگرەیگ رووژنامەوانی وە ئامادەبوین پەیامنێر ئاژانس شەفەق نیوز وت: ٦٥ هەزار کەس داواکاری ئەرا وەرگردن یەکەی نیشتەجییوین پیشکەش کردگە، دویای وازکردن پیشکەشکردن داواکاری وەرجە ٦ مانگ.

وتیش: ١٠ هەزار یەکەی نیشتەجییوین بە پارێزگایل هەولێر و سلێمانی و دهۆك و هەڵەبجە و ئیدارەی ڕاپەڕین و گەرمیان و سۆران و زاخۆ و رانیە بەشەو کریا.

لە تاوساڵ ساڵ ٢٠٢٢، دەزگای بەرهەمهاوردن لە هەرێم کوردستان، پڕۆژەی بیناکردن ٢٠ یەکەی نیشتەجییوین راگەیان، ئەرا کەم داهاتەیل و کراچیەیل لە گشت ناوچە و شارەیل هەرێم کوردستان.