وەزارەتەگە لە بەیاننامەیگ وت: ”وەگورەی ئەو رینماییا کە لە 11/21/2023 دەرچگە و ئیجا لە 12/14/2023 لە رووژنامەی وەقاءیع کوردستان بڵاو کریایە، دیاردەی سیحر و جادووگەری و هاوشیوەیلی، کە زەرد بنەما ئاینییەیل ناکۆکە، وە گشت شیوەیگ قەیەغە کریەێد”.

 وتیش “گئت ئەو شوینەیلە کە کردەوەی سیحر و جادوویی لەناوی کریەێد بەسیەن، سەرپیچیکارانیش سزای یاسایی تون دریەن”، دیاری کرد کە “لە ئمڕووەو ئی رینماییە جیوەجی کریەێد”.

 لە سەرەتای مانگ کانوون دویەم ئمساڵ وەزارەت ئەوقاف و کاروبار ئایینی لە هەرێم کوردستان رینمایی تونیگ دەرکرد دژوە ئەنجامدان سیحر و جادووگەری و گشت چشتیگ کە پیچەوانەی بناغە ئاینییەیل بوود و  نازناو درووکانی و بەدوەکارهاوردن کتاو ئایینی ئەرا وەدەسهاوردن پویل.

رینماییەیل وەزارەتەگە وە شمارە (1) ساڵی 2023 دەرچگە وە واژوو وەزیر پشتیوان سادق عەبدوڵڵا، کە لەلایەن ئاژانس شەفەق نیوز  تەماشاکریایە، پەنج باوەت لەناوی بوی کە دووپات کەن کە ئەنجامدان کارەیلیگ جویر هەڵگردن ناو و نازناو درووکانی جوی (شێخ، مەلا، پاستور، بانگخواز، پزشک ئایینی یا چشتیگ هاوشیوە) وەکارهاوردن کتاو پیرووز ئایینی ئەرا پویل، کە کارەیلیگ قەیەغەن و بوونە مدوو ئەنجامدان کردەوەی سیحر و جادووگەری.

ھەرێم کوردستان سیحر و جادووگەری قەیەغە کەێد و لەی دویاییە لایەنە ئەمنییەیل شمارەیگ کەس دەسگیرکردن کە ئەو کارەیلە ئەنجام دەن و  پویل گردنە.