شەفەق نیوز/ وەزیر وەڕێۆبردن باوەت پێکهاتەیلە لە هەرێم کوردستان، ئمڕوو دووشەممە، دووپات کرد ک هەرێم کوردستان ئەو پێکهاتەیلە ک لە توندڕەوەی واینە گرێدەو خوەی وەمافەیلیان مسۆگەر کەێد.
ئایدن مەعروف وەزیر پێکهاتەیل لە کۆنگرەیگ رۆژنامەوانی لە هەولێر و پەیامنێر ئاژانس شەفەق نیوز ئامادەی بوی وت: ئەوەسا راسەوکردن لەبان یاسای ٩ ئەرا ساڵ ٢٠١٥ تایبەت وە پێکهاتەیل کریەێد، و دیاری کرد ک یاسایل هەرێم کوردستان گشت ماف پێکهاتەیل مسۆگەر کەن، باوجی لە ناوچەیل عراق هیمان رخەیل گەورەیگ لەبان پێکهاتەیل هەس و هەمیشە کەفنە وەر هەڕەشە.
وتیش؛ هەرێم تەنیا وە مسۆگەرکردن پێکهاتەیلە نەمەن، بەڵکم ئەو پێکهاتەیلە وەخوەی گرد ک لە ناوچەیل عراق واینە وە پەنا وە هەرێم بەن.