شەفەق نیوز/ حکومەت هەرێم کوردستان، ئمڕوو سێشەممە،  راگەیان ئەوەسا لە رووژ ٢٥ ئەیلوول دەسکەێدە بەشەوکردن مووچەی خود مانگەگە.  

جوتیار عادل قسەکەر حکومەت هەرێم کوردستان ئەرا رووژنامەوانەیلە و پەیامنێر ئاژانس شەفەق نيوز لەناویان بۊی وت: گرنگە لەلای حکومەت هەرێم کوردستان مووچەی فەرمانبەرەیلە لە مەوقەی خوەی بەشەو بکەێد، و بیگومان لە هەر وەختیگ ٢٠٠ ملیار دینارەگە لە بەغداد بڕەسێد، ئیمە وە ئاست ١٠٠% مووچەیلە بەشەو کەیمن. 

وتیش؛ ئەوەسا حکومەت هەرێم لە ٢٥ ئەیلوول دەسکەێدە بەشەوکردن مووچەیلە،  و ئەوەسا مووچەیلە وەبی بڕین دابەش کەرین، وە مەرجیگ ک حکومەت فیدراڵی ئەو پۊیلەیلە کل بکەێد.