شەفەق نیوز/ وەزارەت دارایی و ئابووری لە حکومەت هەرێم کوردستان، ئمڕوو یەکشەممە، داوا لە فەرمانبەرەیل و کارمەنەیل کەرت گشتی کرد زەوی لە سیستەم بایۆمەتری توومار بکەن، وەرجە بیس لە مانگ تشرین دویەم ئایندە، و ئاگاداریان کرد کە وەزارەت دارایی فیدڕاڵی مووچەی ئەوانە بڕێد کە کۆد بایۆمەتری نەیرن.

وەزارەتەگە لە بەیاننامەیگ وت: لە بنەمای رێککەفن و لەیەکفامسنن ناوەین وەزارەت دارایی و ئابووری لە هەرێم کوردستان و وەزارەت دارایی لە حکومەت فیدراڵی لەباوەت چارەکردن گیچەڵەیل هونەری لە لیستەیل مووچەی فەرمانبەرەیل حکومەت هەرێم کوردستان بایەسە یانە بوود:

یەکەم: بایەسە گشت فەرمانبەر و خانەنشینەیل و خاوەن خوازینەیل تایبەت و خاوەن میراتی شەهیدەیل، لەوانەگ خوەیان لە سیستەم بایۆمەتری توومار نەکردنە، وەرجە رووژ (2024/11/20) توومار خوەیان بکەن.

دویەم: بڕیار توومارکردن بایۆمەتری گشت فەرمانبەرەیل و مووچە خەوەرەیل دەیشت وڵات گرێدەو یا ئەوانەگ پشوو بی مووچە یا ئەرا خوەنەواری یا ئەرا چشتیگ ترەک بردنە.

سێیەم: هەر فەرمانبەریگ یا مووچەخوەریگ لە حکومەت هەرێم کوردستان کۆد بایۆمەتری تا رووژ (2024/11/20) نەیاشتوود، مووچەگەی لەلایەن وەزارەت دارایی لە حکومەت فیدراڵی وسێد، و وەرپرسایەتیی خوەی وەمل خوەی.