شەفەق نیوز/ حکومەت هەرێم کوردستان دووپاتکرد ک ئاسانکاری تەواویگ کردنە ئەرا بازرگانەیل ئەرا هاوردەکردن زەێت وە مەرجیگ وەگەرد تاێبەتمەندی و ستاندار تەندروستی هەرێم بپوڕێد.
وەگورەی بەڵگەنامەیگ حکومی سامان بەرزنجی وەزیر تەندروسی هەرێم باس کەێد، وە ئامانج دابینکردن ئاسانکاری ئەرا بازرگانەیل هاوردەکردن گشت جۊرەیل جیاواز پێداویستیەیل رووژانە لە مادەیل خواردن، وەڕێەوبەرایەتیل گشتی و تاقیگەیل کۆنترۆڵ جۊری ئاگادارکریانە وە ئاسانکاریکردن پێویست لە باوەت هاوردەکردن مادەیل خواردن سەرەکی رووژانە.
وتیش، بایەد پێوەرەیل کۆنتڕۆڵ جۊری لەوەرچەو بگریەێد و کەرەستەیل گونجیاییگ بوون ئەرا وەکارهاوردن ئایەم و مەترسی لەبان تەندروسی ئایەم دروس نەکەن و وەگورەی یاسا و ڕێنماییەیلە بوون"