شەفەق نيوز/ بازاڕەیل پارێزگای دهۆک، هاتن کەمیگ لەلایەن مەردم ئەرا سەنین چشتەیل جەژن قوربان وەخوەی دوینێد، لە سای وەردەوامی قەیران دیرکەفتن مووچەیل هەرێم کوردستان لەلایەن حکومەت فیدراڵی لە بەغداد.

 دیار دۆسەکی، خاوەن دوکان فرووشتن دڵنگ پیاوانە ئەرا ئاژانس شەفەق نیوز وت: هاتن ئەرا سەنین وەشیوەی گەورەیگ وەچەو وەرزەیل جاران داوەزیاس، ڕووژانە کەمتر لە 20 پارچە فرووشیمن، لە وەختیگ جاران لە و رزەیل جەژن سەدان پارچە فرووشتیایمن.

وتیش: مدوو سەرەکی لەلی داوەزیانە خوەی دیرکەفتن مووچەیلە، و دوکانەیل بڕەیل کەورەیگ لە چشتەیل هاوردە کردن ئەرا جەژن قوربان وەلێ ئیرنگە گشتی چەوەڕی زەرەد دارایی کەێد.

 لەلای خوەییش، ئاڤان جەمیل، کە خوەی و مناڵەیلی بازاڕ کەنر وت: وەرنەگردن مووچە ناچاریان کرد مینەی چشتیگ ئەرزانتر بکەن. 

وتیش: وەدەسکەفتن گشت خوازین مناڵەیل ئەرا جەژن ئاسان نییە، لەوەر کەمدەسی و گرانی.

یەعقوب جەعفەر، ئەو هاوڵاتیە دیاری کرد کە ئی قەیرانە وەگەرد گشت بوونەیگ ئاینی دووارەو بوود، وتیش: جاران بازاڕەیل پڕ بوین لە بسین، وەلێ ئیسە یەکجاری جیاوازە.

 جەعفەر وتیش: پویل نەیریمن تا چشتەیل جەژن بسینیمن، ناچار بویم لە یەکیگ لە کەسوکارەیلم قەرزیگ بکەم، دی نیەزانم کەی بتوانم ئەو قەرزە لەسای ئی رەوشەیل سەختە بیەمەو.

 مەزەنە کریەێد لەماوەی دوو رووژ ئایندە حکومەت فیدراڵی قەرزیگ ئەرا هەرێم کوردستان کلبکەێد ئەرا خەرجکردن مووچەیل فەرمانبەرەیل وەرجە هاتن جەژن، لە گامیگ وەگەرد بەرزەوبوین ناکۆکی دارایی و دەستووری ناوەین دوو لایەن تیەێد.