شەفەق نیوز/ چالاکوانەیل گەرمیان لە هەرێم کوردستان، هەڵمەتیگ گوشارخستن ئەنجامدان دژ وە تەواونەکردن ری کەلار سلێمانی، زیاتر لە یەک هەفتەس هەرەشەی گواستنەوەی مانگردنەیلیان کەن ئەرا بینای حکومەت ناوخوەیی.
ئمزای37 پەرلەمانتار لە پەرلەمان کوردستان گردەوکریایە، داوای کوبونەوەیگ تایبەت کەن وە ئامادەبووین ( وەزیر ئاوەدانکردن و خانوبەرە، وەزارەت دارایی و ئابووری، وەزارەت پلان دانان) و ئەو لایەنە پەیوەندیدارەیلە لەئەنجومەن وەزیران هەرێم کوردستان.
رەئوف عومەر چالاکوان مەدەنی وە ئاژانس شەفەق نیوز وت، " ئیرنگە کوبونەوەیگ ئەنجامدایمنە و وەردەوام بوینمن لە گوشارخستن و مانگردن لەنوای نوسینگەی حکومەت لە جیای مانگردن لە نوای نوسینگەی پەرلەمان".
وتیش، گشت چالاکوانەیل" گەردن وەبان داواکاریەیلیان سەرەرای ئەوەی وەزیر ئاوەدانکردنەوە هویچ گرەنتیگ وەپیان نەیا لەمەوقەی چەو وەپیکەفتنەگەیان".
هەمیش، چالاکوانەیل مەدەنی لە خانەقین هەڵمەتیگ ئەرا پاڵپشتیکردن قەزای کەلار و قەزای دەربەندیخان ئەنجامدان، داوا لایەنەیل فەرمی کردن ئەرا زوی جیوەجیکردن ریەگە، ک بویەسە هوکار گیان لە دەسدان سەدان هاوڵاتی خانەقین و ئیدارەی گەرمیان و قەزای دەربەندیخان.