شەفەق نیوز/ ئمڕوو سێشەممە، عەبدوڵڵا ئۆجەلان، دامەزرێنەر پارت کرێکاران کوردستان (پەکەکە)، پیشوازی لە راگەیانن هەڵوەشان پارت کرێکاران کوردستان کرد.

ئۆجەلان پەیامیگ ئەرا ئەو حیزبە کلکرد، کە ئاژانس 

 شەفەق نیوز وەدویاچگن ئەرای کرد و وت: "وە خەفەت قویلیگ چاو مردن عەلی حەیدەر کەیتان و ڕزا ئاڵتون وەپیم رەسی، ئمجا یادگارییگ بۆ یادکردنان دادەمەزرنم، و ئیرنگە وە گشت رێزیگەو یادیان کەم، ئی دوو هاوڕێیە هەمیشە پێگەی دیاریگ داشتنە لە خەبات ئەرا نەتەوەیی و کۆمەڵگەی دیموکراسی، و لەڕی  بیناکردن مۆدێل و سیستەم مۆدێرن، ئەوان بەها بنەڕەتییە ئیلهامبەخشیان وەرجەسە کردن، و رۆڵیان تا کۆتایی وەردەوام مینێد."

وتیش: لە خەبات وەردەوام ئیمە، جویر سەرکردەی هەمیشەیی، ئامادەبوینیان وەرد ئیمە مینێد و لەی بوونە سڵاو لە بڕیارەیل کۆنگرەی دونازهەم میژوویی کەم و پەیامەیل خوازیاگ ئەرا بانان وەگشت پیزانینیگەو کلکەم.

دویەکە دووشەممە، پارت کرێکاران کوردستان (پەکەکە) بڕیاردا خوەی هەڵوەشنێد و کۆتایی وە جەنگ چەکداریی بارێد، ئەوەیش دویای جەنگیگ 40 ساڵە وەرد تورکیا.

دویای چوار دەیە جەنگ کە گیان ٤٠ هەزار کەس سەن، ئی بڕیار پارتەکە لە وەڵام بانگەواز سەرکردەگەی عەبدوڵڵا ئۆجەلان هات، کە لە مانگ شوبات گوزەشتە ئەرا وازهاردن لە چەک کلکیکرد.