شەفەق نیوز/ وەزارەت تەندروسی لە هەرێم کوردستان، چوارشەممە، تۆمارکردن ١٠٤ تویشهاتگ نوو وە ڤایڕۆس کۆڕۆنا لەماوەی ٢٤ ساعەت وەرین راگەیان ، تا ژماره‌ی گشت تویشهاتنەگە بەرزەوبوود ئەرا ٨٤٩ تویشهاتگ.
له‌ بەیاننامەیگ وەزارەتەگە ك رەسیە ئاژانس شەفەق نیوز باس کرد؛ ئی تویشهاتگەیلە لە ئەنجام ١٤٩٦ تاقیکردنەوە لە ماوەی ٢٤ ساعەت وەرین دیاری کریان.
شوینەیل تویشهاتنەگان وەی جوورە بوی؛ ٦ لە هەولێر، ٤٦ لە سلێمانی - ٣٩ لە ناوەند شارەگە و ٦ لە گەرمیان، ویەک تویشهاتگ لە راپەڕین ( رانیە). لە وەختیگ پارێزگای دهۆک هەلقوڵانیگ پەیمانەیی تۆمار کرد وە ٥٢ تویشهاتگ. وەیەوە ژمارەی تویشهاتنەگان لە هەرێم کوردستان بوودە ٨٤٩ تویشهاتگ، ١٤ مردگ، ٤٣٤ خاسەوبوی، ٤٠١ هالە ژیر چارەسەری.