چیمەن عومەر، نوێنەر ئەو ریخریاگەیلە لە کۆنگرەیگ رووژنامەوانی کە ئاژانس شەفەق نیوز ئامادەی بوی وت: دەسپیشخەرییەگە وە ئامانج مقیەتیکردن ژینگە و وەرپرسیارکردن گشت لایگ لەی ئامانجە هاتگە. وتیش: بڕیگ ریخریاگ مەدەنی و ژینگەیی هەڵوێست خوەیان راگەیانن وە ڕەتکردن ئەو پێشێلکارییە ژینگەییلە کە لە سلێمانی لەوەر کۆمپانیا و کارگەیل کەرت تایبەت بوود.
چیمەن خان دیاری کرد کە ژینگەی هەرێم تەندروس و رەنگینە، و توەنیەێد ئەرا پڕۆژە گشتیەیل کەڵک باێد کە ڕەنگدانەوەی خاسیگ لەبان سامانە گشتیەیل هەرێم داشتوود، بەڵام وەداخەو دوقای دەرچگن یاسای بەرهەمهاوردن کە دەسەڵات هەرێم ئەرا سوودەیل کەرت تایبەت، دەستدرویژیکردن وەبان زەوییە کشتوکاڵییەیل زیای کرد، کە کاریگەری بەد لەبان ناوچەگە داشت.
وتیش: گشت ریخریاگەیل پاڵپشتی گەشەپیدان و پیشکەفتن لە بوارەیل ژیان کەن، بەڵام پڕۆژەیل شار و پیشەسازی بایەسە وەرد بنەمایل مقیەتیکردن ژینگە بگونجێد.
هەمیش وت "دەسەڵاتدارەیل دەرەیل وەڕەی ئەو کۆمپانیایلە زان کەن وبی ئەوەگ بیوەیی تەندروسی بخەنە وەرچەو، جویر ئەوەگ لە ناوچەی پیشەسازی لە تانهارۆ بوودر و بڕین دار لە دازان کویەی کوێزا لەلایەن پڕۆژەی نیشتەجیبوبن".
دووپاتیش کرد کە گشت ئەو پڕۆژەیلە کە کاریگەری بەد لەبان سروشت و ژینگەی کوردستان دروس کەن رەتکریەنەو، و داین موڵک گشتی وە کۆمپانیایل و کەرت تایبەت قبوڵکریاگ نییە.
لە کۆتایی چیمەن عومەر دووپات لەوە کردە کە ریخریایەگە ژینگەپارێزەیل وەردەوامن لە نواگیریکردن هەر پڕۆژەیگ کە زیان وە ژینگەی کوردستان رەسنێد، داوا لە حکومەت کرد ریکارەیل تون ئەرا مقیەتیکردن ژینگە و سروشتی ناوچەگە جیوەجی بکەێد.