له به‌ياننامه‌ى حزب ناوبرياگ ك(شه‌فه‌ق نيوز)ئاگادارى بوى، ئه‌وه ده‌ركه‌فت ك ته‌ياره‌يل جه‌نگى عراقى ئه‌را جار سێيه‌مه بوردمان چه‌ن بنگه‌يگ حزب ئازادى كوردستان ئه‌كه‌ن له خوه‌رئاواى كه‌ركووك.
به‌ياننامه‌گه يه‌يش ده‌رخست ك ته‌ياره‌يل جه‌نگى سوپاى عراقى له رووژ شه‌ممه‌ى گوزه‌يشت بڕيگ بنگه‌ى حزبه‌گه له ئاوايى كوبيه گرتنه‌سه ئامانج ك ئه‌كه‌فێده دويره 22كم له حه‌ويجه‌و دوياى په‌يوه‌نديكردن وه سه‌ركردايه‌تى محوه‌ر خوه‌رئاواى كه‌ركووك و غورفه‌ى فه‌رمانده‌يى هاوبه‌ش و وزاره‌ت پێشمه‌رگه ئه‌وه ده‌ركه‌فت ك ئه‌و ته‌ياره‌يله عراقى بوينه.
جى باسه، كه‌مال كه‌ركووكى سه‌ركرده‌ى محوه‌ر خوه‌رئاواى كه‌ركووك هيزه‌يل پێشمه‌رگه داوا له سوپاى عراقى كرد له‌يوا كرده‌وه‌يگ و په‌لاماره‌يليگ ئه‌را بان بنگه‌يل پێشمه‌رگه‌ى كوردستان بووسننه‌و، وه‌لى ئه‌را جار دويه‌ميش له رووژ سێشه‌ممه‌ى گوزه‌يشت هه‌مان كرده‌وه دوباره‌وه كرياو ئيسه‌يش ئه‌را جار سێيه‌مه بنگه‌يل سه‌ره‌كى پێشمه‌رگه ئه‌گريه‌ێده ئامانج.