شەفەق نیوز/ حکومەت هەرێم کوردستان، ئمڕوو دووشەممە، راگەیان 170 تەن پەتاتەی ناوخوەیی ئەرا پۆڵەندا هەناردەکردیە، دووپاتکرد لە پەیوەنی کردن وەرد بەغداد ئەرا چارەسەرکردن گیچەڵەیل بازرگانی وەرد پارێزگایەیل ترەک عراق.

سەرۆک لق هەولێر یەکێتی هەناردەیل و هاوردەیل کوردستان، رەسوڵ حاجی عومەر، وە ئاژانس شەفەق نیوز وت؛ "شمارەیگ لە بازرگانەیل و کۆمپانیاگان پۆلەندا ئەرا کوردستان هاتنە خوازن ئەوزەڵ وە پەیوەنیەیل بازرگانی بدەن وەرد هەرێم کوردستان".

ئاشکرایکرد "پەیوەنی کۆمپانیایەیل پۆلەندی وەرد هەرێم کوردستان زیاتر لە مژارەیل سەروەت ئاژەڵیە و شیرەمەنی و کێڵگە پەلەوەریە" وتیش "170 تەن پەتاتەی ناوخوەیی ئەرا پۆلەندا کلکریاس و هەمیش پەنج ماشین گوشت یەخبوی هاوردەکریاس".

دووپاتکرد هەر وڵاتیگ خوازێد مامەڵە وەرد هەرێم کوردستان بکەێد دەرێمان لەی مژارە وازە" دیاریکرد حکومەت هەرێم کوردستان پەیوەنی وەرد بەغداوەکەێد ئەرا کۆتایی هاوردن وە گیچەڵەیل بازرگانی وەرد پارێزگا عراقیەیل ترەک، ئەرا فرووشتن بەرهەمەیلیان لە گشت شوینەیل وڵاتەگە".