شەفەق نیوز/ وەزارت تەندروسی لە هەرێم کوردستان، ئمڕوو سێشەممە، راگەیان تۆمارکردن ٢٠ تووشهاتن وە بیماری ئەیدز لەماوەی ساڵ ٢٠٢٠، و ئاماژە کرد ک کۆبونەوەی دەسەی باڵای نواگردن ڤایڕۆس کۆڕۆنا ئەوەسا ئمڕوو لە وەختیگ ئایندە بەسیەێد ئەرا هەڵسەنگاندن رەوشە تەندروسیەگە.
ئاسۆ حویزی قسەکەر وەناو وەزارەت تەندروسی ئەرا ئاژانس شەفەق نیوز وت: وەزارەت تەندروسی ئەوەسا هەڵسەنگاندنی لە رەوشەگە خەێدە وەردەس دەسەی باڵای نواگردن کۆڕونا.
لە ئەگەر دویاخستن کردنەوەی مەکتەوەگان، حویزی دیاریکرد ک ئیمە کار ئەرا کەمەوکردن تووشهاتنەگان و هووکارەگانی کەیمن.
دەربارەی رووژ ئەیدز جهانی، و ژمارەی تووشهاتنەگان ک لە هەرێم کوردستان تۆمار کریانە، وت: ئمساڵ ٢٠ تووشهاتن تۆمار کردیمن، ١٧ لەلیان بیگانە بوین، و ریکارەگان ئەرایان جیوەجی کردیمن، و ئاماژە کرد ک ئەو سێیانەگە کەرەنتین کریان و ئیسە هانە ژیر چەودیری پزشکی.