شەفەق نیوز/ سامان بەرزنجی وەزیر تەندروسی لە هەرێم کوردستان، ئمڕوو پەنجشەممە، توومارکردن دەیان تویشهاتن وە بیماری ئێدز لەماوەی ساڵ ٢٠٢٢ راگەیان.
بەرزنجی ئەرا رووژنامەوانی لە هەولێر وت: لە ماوەی ١١ مانگ لە ساڵ ٢٠٢٢، وەزارەتەگە زیاتر لە ٥٣٨ وەشکین ئەرا بیماری ئێدز لەوانەگ خوازن هاوسەرگیری بکەن، و ئەوانەگ خوازن نەشتەرگەری بکەن، و ئەوانەگ خوین وەخشن، و وەرجە وەشکین نازور، و هاتگەیل بیگانە ئەرا هەرێم کوردستان ئەنجام دایە.
دیاری کرد ک ئامارەیل ئەو وەشکینەیلە وەلایەن وەزارەتەگە، ٥٤ تویشهاتن وە بیماری ئێدز دیاری کریا، ٤٠ بیمار لەناویان بیگانە بوینە، و دووپات کرد ک ئی بێماریە گرفتیگ جەهانیە، و لە گشت وڵاتەیل جەهان یەک مەلیۆن و ٥٠٠ هەزار بیمار تەنیا لەماوەی ئی ساڵە توومار کریاگە.و لە وەخت بڵاوبوین ئێدز تا ئیسە ٤٠ مەلیۆن بیمار لە جەهان توومار کریاگە.