شەفەق نیوز/ وەزارەت تەندروسی هەرێم کوردستان، ئمڕوو جومعە،راگەیان شمارەی ئەو  کەسەیلە لە ئەنجام تەقیان تانکی گاز گەرمکەرەوە لە گەرەک کازیوەی سلێمانی رەسیە مردن 7 مەدەنی.

وەزارەتەگە لە بەیاننامەیگ رەسیە ئاژانس شەفەق نیوز راگەیان،  هەفت قوربانیەگە تەمەنیان لە ناونی 11_55 ساڵ و 11 کەسیش زەخمدارە و چوار لەو کەسەیلە رەوشیان ناجیگیرە وتیش زیاتر لە 13 کەسیش بی سەروشوینە.

وەپای بەیاننامەگە، وەزارەت بنکەیل تەندروسی نزیک لە رویداوەگە کلکردیە ئەرا چارەسەرکردن زەخمدارەیل.

تیم وەرگیری شارستانی پارێزگای سلێمانی لە شەوەکی شەفەق  دەسکردیەسە مینەکردن بی سەروشوینەیل ژیر ماڵە ڕمیاگە.

ئەو زانیاریەیلە رەسیەس وە ئاژانس شەفەق نیوز دیاریکەن، تیمیگ قورتارکردن سەر وە وەرگیری شارستانی  دوو تەرم لەژیر داڕمیاگ و چیمەنتوو دراوردنە و توەنستنە مناڵیگ 6 مانگ وە زینگی پەیابکەن باوجی لە خەسخانە لای داڵگی گیانی لەدەسدا، و شمارەی مردنگە ئەرا 10 قوربانی بەرزەوبوی.