شەفەق نیوز ــ بەغدا

وەزارەت تەندروسی عراق، ئمڕوو سێشەممە، هاوتای وشکنین DNAی22 قوربانی ئێزیدی دەس رێکخریاگ داعش لە نەینەوا راگەیان.

رێکخریاگ داعش لە 3 مانگ ئاب ساڵ 2014 دەسگرد وبان قەزای شەنگال و ناوچەیل سەر وەپی کە زیاتر ئێزیدین و هەڵسیا وە کۆمەڵکوشیکردن وەرانوەر وەپیایەیلیان  و رفانن زیاتر لە پەنج هەزار ژن و مناڵ کە جویر "کەنیزە" وەکاریان هاوردن گاجاریگ رەسنە بڕیگ لەو قوربانیەیل و ئازادکریەن لە چنگ رێکخریاگ تونرەویەگە.

وەزارەتەگە ئمڕوو لە بیانامەیگ راگەیان، پەیوەنی وە کەسوکاریان کردنە ئەرا وارگردن تەرمەیل لە قەزای شەنگال لەماوەی رووژەیل ئایندە وەپای مەراسیمیگ فەرمی تایوەت وە خاکسپاردن.

دیاریکرد، هاتاکردنەیل کۆتاییهات لەدویای ئۆپراسیۆنیگ تەکنیکی هویرد وە وەکارهاوردن DNA روفاتەیل و بەراوردی وەرد نمونەی قوربانیەیل.