شەفەق نیوز/ سەرچەوەیگ لە فەرمانگەی تەندروسی گرميان، ئمڕوو دووشەممە، خەوەردا ک ٣٧ کەس رەسینە خەسەخانە لەوەر ئەو خوەڵوارانە ک عراق گردەوەر.
سەرچەوەگە ئەرا ئاژانس شەفەق نیوز وت: بەشەیل فریاگوزاری لە خەسەخانەیل گەرمیان دەیان کەس لە تویشهاتگەیل تاسیان لەوەر خوەڵوتوزەگە لەماوەی ٢٤ سەعات گوزەشتە وەرگردن.
وتیش: شمارەیگ لەلیان کەفتنە وەر تەنگە هەناسی، ولەناو خەسەخانەیل چارەسەر کریان.
ئیدارەی گەرمیان، ئمڕوو دووشەممە، پەکخستن دەوام فەرمی راگەیان لەوەر مەترسیەیل خوەڵوتوزە خەسەگە، ولەساعەت ١١:٣٠ شەوەکی فەرمانبەرەیلی ئەرا ماڵ کلکرد.