شەفەق نيوز - دهۆك 

سەرچەوەیگ ئەمنی و کەسەیلیگ لە وەچەودیەیل، شەوەکی ئمڕوو سێشەممە، خەوەردان لە تەقینەوەیگ لەناو کێڵگەی نەفت "سەرسەنگ" لە ناحیەی "جمانكي" سەروە قەزای ئامێدی باکوور پارێزگای دهۆک.

لەی باوەتە، کۆمپانیای نەفت ئەمریکی HKN کە لەو شوینە کار کەێد، لە بەیاننامەیگ وت: لە نزیک ساعەت هەفت شەوەکی، تەقینەوەیگ رویدا (سروشتی نەزانیاس) لەناو کێڵگەی نەفت سەرسەنگ، کە هیشت کارکردن لەناوی بووسێد.

 وەگورەی بەیاننامەی ئەو کۆمپانیا، تەقینەوەگە نەویەسە مدوو زەخمداری کەسیگ، وەلێ بویە هوکار زەرەدەیل دارایی، وتیش: تیم وەرگری شارستانی پەسا کار لە کپەوکردن ئاگرەگە کەێد.

دویەشەو دووشەممە، کێڵگەی نەفت خورمەلە لە پارێزگای هەولێر پایتەخت هەرێم کوردستان، کەفتە وەر پەلامار دوو درۆن بومبی.

 وەزارەت سامانە سرووشتیەیل لە حکومەت هەرێم کوردستان لە بەیاننامەیگ وت: هیچ زەخمدارییگ لە ئەنجام پەلامارەگە نەکەفتیە، و زەردەیل تەنیا وە لویلەیل ئاو لەو شوینە رەسینە.