سەرچەوەگە ئەرا ئاژانس شەفەق نیوز وت: ماشینیگ کار وە گاز پیتڕۆڵ کەێد، لە گەڕەک راپەڕین لە شار سلێمانی وە مدووەیل نادیاریگ تەقیەو.
سەرچەوەیگ ترەک ئەرا ئاژانس شەفەق نیوز وت: ئەو ماشینە وە سیستەم گاز کار نەکردیە، وتیش: رویداوەگە دویای هیزگردن ئاگریگ لە ناو ماشینەگە بویە لەناوەین ناوچەی راپەڕین و ناوچەی قوڵەریسی.
هەرلیوا، سەرچەوەیگ تەندروسی لە سلێمانی ئەرا پەیامنێر ئاژانس شەفەق نیوز دووپات کرد کە رانندەی ماشینەگە و کەسیگ وەگەردی لەناو ماشینەگە زەخمدار بوینە، و ئەرا خەسەخانە بریانە.
سەلام عەبدولخالق قسەکەر فەرمی دەزگای ئاسایش هەرێم کوردستان ئەرا ئاژانس شەفەق نیوز وت: تا ئیسە مدووەیل رویداوەگە نەزانیاس، باوجی دەزگایل ئەمنی دەسکردنە لێکۆڵینەوە لە شوین رویداوەگە ئەرا رەسین وە بندروسی.
تیمەیل وەرگری شارستانی و هیزەیل ئەمنی روی وەرەو شوین رویداوەگە کردن و دەسکردنە لێکۆڵینەوە.