تەقیان بوتڵ غازیگ لە ناو کافتریایگ لە سلێمانی

شەفەق نیوز/ سەرچەوەیگ ئەمنی ئمڕوو یەکشەممە، خەوەردا لە تەقینەوەیگ لەناو کافتریایگ لە ناوراس سلێمانی.

سەرچەوەگە وە ئاژانس شەفەق نیوز خەوەردا، هوکارەگەی تەقین بوتڵ گازیگ بویە لە کافتریای کەستانە لە سلێمانی.

وتیش، تەقینەوەگە بویەسە مدووی زەخمداری دوو کراکار و تاسیان ۳ ئەندام وەرگیری شارستانی لە مەوقەی تەقەلای کوشانەوەی ئەو ئاگرە ک تەقینەوەگە دروسی کردوێد.