شەفەق نیوز/ وەزارەت تەندروسی لە حکومەت هەرێم کوردستان، ئمڕوو دووشەممە، راگەیان توومارکردن ١٤٧ تۊشهاتن نوو وە ڤایرۆس کۆڕۆنا، و ٦ مردن وە ماوەی ٢٤ سەعات گوزەشتە.   

وەزارەتەگە لە بەیاننامەیگ رەسیە ئاژانس شەفەق نیوز وت: لە ماوەی ٢٤ سەعات گوزەیشتە ٤٧٢٤ تاقیکردنەوە ئەنجام دریاگە،  لەناویان ١٤٧ تۊشهاتن نوو وە ڤایرۆس کۆڕۆنا ئاشکرا بۊیە.     

وتیش: ٢٢٦ بیمار لە پەتاگە خاسەو بۊین،  و ٦ بیمار لە خود ماوەگە لەوەر پەتاگە مردن.    

لەباوەت هەژمارەیل گشتی،  وەزارەتەگە دیاری کرد ک شمارەی تۊشهاتنەیل لە گشت ناوچەیل هەرێم کوردستان رەسیە ٣٧٩٦٥٥، لەلیان ٧٠٦٠ مردنە، و ٣٦٩٩٣٩ خاسەو بۊینە.