شەفەق نیوز/سەرۆک حکومەت خوەجێی لە پارێزگای هەولیر پایتەخت هەریم کوردوستان، ئمڕوو چوارشەممە، خەوەردا لە پەیاکردن تەرمیگ شایەت یەکیگ بوود لە قوربانیە گومبۊیەیل ئەو لافاوەی جومعەی گوزەشتە ک پارێزگاگە گردەو.
خۆشناو لە بەیاننامەی کوڵیگ رەسییە ئاژانس شەفەق نیوز وت: تەرمیگ نزیگ ئاوای (سەعداویە) لە ناحیەی گۊیر پەیاکریایە مەزەنە کریەێد یەکیگ بوود لە قوربانیەیل لافاوەگە.
لەلایگتر وەڕێووەرایەتی وەرگیری شارستانی لە هەولێر رەدی کەێد ک تەرمیگ لە گۊیر پەیاکریا بوود. وەڕێووەرایەتیەگە ئمڕوو لە بەیاننامەیگ راگەیان ک تیمەیلیان لێکۆڵینەوە کردنە لە ئاوایەیل سەعداویە و ئەونە لەباوەت ئەو خەوەرەگ رەسیە ک تەرمیگ لەورا پەیاکریایە.
وتیش تا ئیسە هۊیچ تەرمیگ پەیانەکریایە.