شەفەق نيوز/ یەکێتی نیشتمانی کوردستان، وەردەوامە لە گامەیلی وەرەو گلەوداین پۆستەیل ئیداری لە پارێزگایل سلێمانی و هەڵەبجە، کە ئاشکرای کاندیدکردن ئاوات محمد قایمقام ئیسەی ناوەند سلێمانی کرد جویر دیارترین کاندید ئەرا پۆست پارێزگار سلێمانی لە شوین هەڤاڵ ئەبوبەکر.

وەگورەی ئەو زانیاریەیلە کە لە سەرچەوەیل ئاگادار کەفتنەسە دەس ئاژانس شەفەق نیوز، یەکێتی ئاوات محمد کە ئەرا ماوەی درویژیگ پۆست قایمقام گردیە، کردیەسە دیارترین کاندید ئەرا ئی پۆستە، لە چوارچیوەی گلەوداین بەشەوکردن پۆستەیل ئیداری لە پارێزگاگە.

سەرچەوەیل دیاری کردن کە یەکێتی دوو ری دیرێد ئەرا گلەوداین پۆستەیل لە بزووتنەوەی گۆڕان، یەکەمیان تەواوبوین ماوەی ئەنجومەن پارێزگای سلێمانی، کە وە رێککەفتن ناوەین دوو حزبەگە بەشەو کریا، وە نۆرە ناوەین پۆست پارێزگار و سەرۆک ئەنجومەن ناوەین دوو لایەن هەر دوو ساڵ، وەگەرد بەشەوکردن ئەو پۆستەیل جیوەجیکردن وەگورەی دەنگدان ئەنجومەن، و وەگەرد نەوین ئەنجومەن لەی وەختە، دی پۆست پارێزگار وازە ئەرا دووارەکردن دانوسەنین.

      ری دویەمیش، پەیوەندی وە داوەزیان هاز بزووتنەوەی گۆڕان دیرێد، کە 12 کورسی لەناو ئەنجومەن پارێزگای سلێمانی داشت، وەرانوەر 11 کورسی ئەرا یەکێتی، و لە پەرلەمان کوردستان 24 کورسی داشت وەرانوەر  18 ئەرا یەکێتی، کە ئەو وەختە بویە دویەم هاز سیاسی لە هەرێم، وەلێ ئیرنگە تەنیا یەی کورسی لە پەرلەمان ئەرای مەنیەسەو، و بویە دوو باڵ سیاسی، کە وەشیوەی گەورەیگ دادە دویا.

ئی تەقەلا لە گامەیل یەکێتی نیشتمانی کوردستان تیەێد ئەرا دووارە رێکخستن کارتەیل سیاسی و ئیداریی لە سلێمانی تیەێد، کە سوود لە ئاڵشتبویەیل سیاسی بزووتنەوەی گۆڕان گرێد، کە دەرفەتیگ گەورەتر وەپی دەێد ئەرا گلەوداین پۆستەیل گرنگیگ لە ئیدارەی ناوخوەیی.