شەفەق نیوز/ دویای بەرزەوبوین سەخت تووشهاتنەگان ڤایڕۆس کۆڕۆنا کۆڤید-١٩ ، دەسڵاتە تەندروسیەگان لە پارێزگای ئیلام فەیلی لە ئیران، راگەیانن هەڵسەنگاندن پارێزگاگە لەناو بازنەی سووره‌.
ئاموژگاری هاووڵاتیەیل کردن وە گرنگی وەجیهاوردن رێکارە مقەیەتیەگان، وهویچ گردەو بوینیگ لەسای بڵاوبوین کۆرۆنا دروسنەکەن ، وجەختیش خەستنە بان وەرپرسەیل لە شارو پارێزگایل، وەرەفتارکردن وەل ئی جوور گردەوبوینەلیگ.
لەلایخوەیەو دكتۆر سیما سادات لاری قسەکەر وەناو وەزارەت تەندروسی ئیران وت: فرە له‌ شارەگان پابەند نیین وە رێکارە مقەیەتیەگان ئەرا نواگردن پەتای کۆڕۆنا.
عەلی رزا رەئیسی هاوکار وەزیر تەندروسی ئیرانی، ئاشکرای وەدویاکەفتن رێژەی پابەندی وە رێوشۆینەگان ئەرا ٢٣% وەرانوەر ٧٨% لە وەرین، ولەتەهران داوەزی ئەرا ١١% وەرانوەر ٦٢% وەرین.
ئیران تا دویەکە سێشەممە، ١٩٢ هەزار و ٤٣٩ تووشهاتگ ڤایڕۆس کۆڕۆنا تۆمار کردگە، و ٩٠٦٥ مردگ وە ڤایڕۆسەگە.