شه‌فه‌ق نيوز/ سه‌رچه‌وه‌يگ ناوچه‌يى ئاشكراى كرد ك سزيان و زه‌ره‌ده‌يليگ له ئه‌نجام بۆردومانيگ توركى كه‌فته‌سه‌و له ده‌ورگرد ئاواييگ له قه‌زاى زاخۆ له پاريزگاى دهۆك.
له‌ى باوه‌ته‌و، سه‌ربه‌ست عه‌قراوى وه‌ڕيه‌وبه‌ر ناحيه‌ى كانى ماسى له باكوور قه‌زاى زاخۆ ئه‌را ئاژانس شه‌فه‌ق نيوز وت: ئمڕوو ئيواره ته‌ياره‌يل توركى ده‌ورگرد ئاوايى ده‌رگه‌ڵا ميسا وه مووشه‌ك بۆردومان كردنه‌و بويه‌سه هووكار شكانن شيشه‌ى شماره‌ى فريه‌يگ له قاپى و ده‌روه‌چه‌ى ماڵه‌يل ئاوايه‌گه‌و سزيان بريگ له خه‌له‌ى جفتياره‌يل.
جى باسه، عه‌قراوى هه‌ميش وت: ئه‌و بۆردومانه نزيك بويه له ده‌ورگرد ئاوايه‌گه‌و ترس و له‌رز له‌لاى مه‌ردم په‌يا كردگه.