له دیمانه‌ێگ وه‌ل تور هه‌واڵ (سی بی ئیس) كاندید حزب كوماریخواز ئه‌ڕا سه‌روكایه‌تی ئه‌مریكا وتگه : من ناخوازم هێزه‌یل جه‌نگاوه‌ر ئه‌مریكی ئه‌ڕا عراق كل بكریه‌ن.
وه‌لى َجیب بوش وتگه : ئه‌مریكا ئه‌توێه‌نێ گامه‌یلێگ ئه‌ڵگرێ ئه‌ڕا وسانن پێشڕه‌ویه‌یل داعش له ناوچه‌گه ، له وه‌ختێگ ئوباما ته‌نیا پشت به‌ساسه بوردومانه ئاسمانیه‌گان ئه‌ڕا له له ناوبردن ئامانجه‌یل ڕێكخراوه‌گه ، هه‌رچه‌ن ئه‌و گامه سه‌ركه‌فتن وه‌ده‌س هاوردگه وه‌لی نه‌توێه‌نستگه نواێ پێشڕه‌وی تروریسته‌یل بگرێ.
بوش ك پێشبینی ئه‌كریه‌ێ خوه‌ێ ئه‌ڕا هه‌ڵوژاردنه‌یل سه‌روكایه‌تی ساڵ 2016 له ژیر چه‌تر حزب كوماریخواز له چه‌ن هه‌فته‌ێ ئاینده كاندید بكا وتگه : ئه‌مریكا نیاز وه هاوكاری و هه‌ماهه‌نگی چڕوپڕ وه‌ل حكومه‌ت و سوپای عراق دێرێ.
له بان یه‌یش جه‌خت كردگه ئه‌مریكا نیاز وه‌ئه‌وه دیرێ ك به‌شێگ له سه‌ربازه‌یلێ وه‌ل هێزه‌یل عراقی تێكه‌ڵ بكا تا مه‌شق وه جه‌نگاوه‌ره‌یل عراقی بكه‌ن. له بان یه‌یش ته‌ئكید كردگه واشنتون باێه‌د جه‌نگاوه‌ره‌یل كورد ك هانله حال جه‌نگ وه‌ل داعش پڕچه‌كه‌و بكا.
ج ك