شەفەق نیوز/ ئەنتۆنی بلینکن وەزیر دەیشت ویلایەتە یەکگرتگەیل ئەمریکا، ئمڕوو سێشەممە، باس هەرێم کوردستان کرد وە "سەنگ بنەڕەت" ئەرا پەیوەندیەیل "گشتگیر" وڵاتەگەی وەرد عراق.
ئەوەیش لە پۆستیگ وەلایەن بلینکن لەبان پلاتفۆرم ئێکس هات، دویای گردەوبوینی وەرد مەسروور بارزانی سەرۆک حکومەت هەرێم کوردستان کە ئیرنگە سەردان واشنتۆن کەێد.
بلینکن لەبان ئێکس نویسان: وەگەرد مەسروور بارزانی گردەو بوی ئەرا گفتوگۆکردن لە هاوبەشی ئەمریکا وەرد هەرێم کوردستان عراق، و هان هاوکاری وەردەوام وەرد حکومەت فیدراڵی عراق دەێد.
وتیش: ئەمریکا پاڵپشتیکەرە ئەرا هەرێم کوردستان عراق، جویر سەنگ بنەڕەت ئەرا پەیوەندیەیل گشتگیر وەرد عراق.