شەفەق نیوز/ نویسەر و فەیلەسوف فەرەنسی، برنار هینڕی لیفی، ئمڕوو شەممە، وت: چارەکردن گرفتەیل ئەو کەمیە لە وزە ک لەلای خوەرئاوا دروس بویە، دەسوەپیکردنی لە هەرێم کوردستان بوود.
لیفی لە وتاریگ لە کۆنفرانس باوەت کورد لە خوەرهەڵات ناوڕاس ک لە هەولێر ئەنجام دریەێد، وت: ئیمەی خوەرئاوا گرفت لە وزە دیریمن، و حکومەت هەرێم کوردستان توەنێد بخەێدە هویر جەهان ک چارەکردنەگە لەلای خوەی دەسوەپی کەێد، دیاری کرد ک چارەیل باوەتەیل نەفت و وزە لە جەهان ری دیرێد لە هەرێم کوردستان دەسوەپی بکەێد.
وتیش: ئیمە جویر دەوڵەتەیل خوەرئاوا، بنەمایل فرەیگ دیریمن ئەرا مقەیەتیکردن خوەمان و مقەیەتیکردن ئی ناوچە، و بایەتە ئی ناوچە لەژیر مقەیەتی بوود، و دویر لە مەترسی.
لیفی ئەرا کورد عراق وت: برادەرەیل فرەیگ لە خوەرئاوا و ئەوروپا و ئەمریکا دیرین، بایەتە پاڵپشتیکردن سەربازی وەهازیگ داشتوێن، و بایەتە هیز گەورەیگ بوود تا مقەیەتی ئی ناوچە بکەێد، چوینکە ئی ناوچە خوەرهەڵات و خوەرئاوا وەیەکەو بەسێد.
وتیش: ناوەند بڕیار ئەمریکی توانای گەورەیگ دیرێد، و ری دیرێد ک رۆل گەورەیگ لە پاڵپشتیکردن باوەت کورد بکەێد.
دووپات کرد ک بایەتە چارەیلیگ ستراتیژی ئەرا باوەت کورد بوود، و بایەتە خوەرئاوا پشتگیری ئیوە بکەێد، و ئی باوەڕیە بایەتە لەلای ئەمریکا قویلەو بوود.
هەمیش وت: گرفتەیل فرەیگ لە سامانەیل سروشتی هەس، برادەرەیل کورد وعراقیەیل، بایەتە داوا لە هاوپەیمانەیل بکەێن تا ئەرا گرفتەیل ناو خوەدان دەسبیەنە وەر.
لیفی وتیش: ئەگەر هەرێم کوردستان و حکومەت عراق نیەخوازن بکەفنە روی گرفتەیل ستڕاتیژی، بایەتە چارەیلیگ وە پشتبەسان وە هاوپەیمانەیل پەیا بکەن.