بارزانى له ديدارى وه‌ل ستيورات جونز باڵوێز ئه‌مريكى له‌عراق و شانده ياوه‌ره‌گه ك(شه‌فه‌ق نيوز)ئاگادارى بوى، جه‌خت له‌بان گرينگى سه‌ركه‌فتنه‌يل سه‌ربازى كرد له‌بان ترۆريسته‌يل ريكخرياگ داعش و ئازادكردن شار موسڵ و گرينگى ريككه‌فتن و هاوكارى ناونى هيزه‌يل پێشمه‌رگه‌ى كوردستان و هاوپه‌يمان ناوده‌وڵه‌تى و هيزه‌يل عراقى و كاريگه‌رى ئه‌و هاكاريه له‌بان زه‌مانه‌تكردن سه‌ركه‌فتن له جه‌نگ.
جى باسه، له‌لايه‌ن خوه‌ييشه‌و باڵوێز ئه‌مريكى له‌و دانيشتنه وت: واشنتۆن ئاگاداره له كاريگه‌ريه‌يل قه‌يران ئابوورى له‌بان تواناى دابينكردن خواست و هه‌وه‌جه‌يل پێشمه‌رگه‌ى كوردستان و هه‌ر وه‌و خاتريشه جه‌خت له‌بان ئه‌وه كرياگه ك هاوپه‌يمان ناوده‌وڵه‌تى پشتگيرى و هاوكارى پيشكه‌ش بكاده هه‌رێم كوردستان تا بتويه‌نێد له‌ى قه‌يران قورتارى بدێ.