شەفەق نیوز/ پۆلیس سلێمانی نۆ کەس وە تۆمەت وەکارهاوردن و بازرگانی وە مادەی ھوشبەر دەسگیرڤکرد و لە مەوقەی دەسگیرکردنەگەیش دەسنریایە بان بڕیگ مادەی ھوشبەر و کەلوپەل وەکارهاوردن مادەیلە. 

لە بەیاننامیگ وەرێەوبەرایەتی پۆلیس پارێزگای سلێمانی وت:  دۊای وە دۊاچگن کردن بنکەی پۆلیس وارماوا ئەرا دەسگیرکردن کەسەیلیگ لەیاسا دەرچگ، وە پشت بەسین زانیاریەیل ھێزەیل پۆلیس و وەسەرپەرشتی راستەوخۆی وەڕێەوەبەری پۆلیس پارێزگای سلێمانی تۊنستن لە چەن چالاکییگ جیا نۆ کەس وەتۆمەت وەکارھاوردن و بازرگانیکردن وە مادەی ھوشبەر دەسگیر بکەن".

ئاشکەرایش کرد "سەرجەم تۆمەتبارەیل وەناسنامە کوردن و لە رەگەز نیر و ما، تۊنستنە لە  ناحیەی عەربەت و گەڕەکەیل ھووانە، کانی کوردە و سەرچنار لە شار سلێمانی دەسگیر بکریەن و بەشیگ لەو تۆمەتبارەیلە مەوقەی وەکارهاوردن مادەی ھوشبەر دەسگیر کریانە". 

دیاریکرد "ئیرنگە سەرجەم تۆمەتبارەیل وەبڕیار دادوەر و وەگورەی مادەی 26 و 30 یاسای رۊیوەرۊ بۊن مادە ھوشبەرەیل و کاریگەرە عەقڵییەیلە گیریانە و لەوەخت دەسگیرکردنیان دەسنیریایە وەبان بڕیگ مادەی ھوشبەر لە جۊرەیل ھیرۆین، دەرزی ھیرۆین و شیشە و کەلوپەل وەکارهاوردن مادەیلە و بەشیگ لە تۆمەتبارەیل وەرینەی تاوان دزیکردن و وەکارھاوردن مادەی هوشبەر داشتنە و  سزا دریانە".