شه‌فه‌ق نیوز- دوکتور ره‌حیم فه‌ره‌همه‌ند، به‌رپرس جبهه‌ی موته‌حد کورد، له گشت چالاکه‌یل کورد ک که‌ڵکه‌ڵه‌یل سیاسی و کوومه‌ڵایه‌تی و فه‌رهه‌نگی ئه‌ڕا چاره‌سه‌ر کردن کێشه و گیچه‌ڵه‌یل کار کوردی ده ئێران دیرن، داخواز کرد ک گورج و ئاماده بیین خوه‌یان ئه‌ڕا دامه‌زرانن حزبێ کوردی و جه‌وازدار ده ئێران وه ئه‌وی بویشنه‌و.
ئه‌و وتگه ک هیواداریمن ئه‌ڔا ئی چشته، جه‌واز کاری وه‌مان بدرێ و بهیلنه‌مان یه دامه‌زرنیمن و جوور حزبێک چاڵاک ده ئێران، کار قانوونی بکه‌یمن و ه‌ر چێ خوازه هن وڵاته‌گه‌مان له ده‌وڵه‌ته‌یل و حکوومه‌ت ئێران، ته‌ڵاو بکه‌یمن.
بڕێ له چالاکه‌یل کورد له‌ی کاره پێشته‌وانی کردنه و بڕێ تریش، هێمان کوڵه‌شک ئوو یا نه‌‌وه‌لایینداری دنووڕن وه‌ی خوازیارییه.
ئی بانگه‌وازییه، سه‌ر وه جبهه‌ی موته‌حد کورد (به‌ره‌ی یه‌کگرتووی کورد) نییه و چشت تازه و نوویێگه.