شەفەق نیوز - هەولێر
برێکار وەزارەت بازرگانی و پیشەسازی لە هەرێم کوردستان، سرور کەمال هەواری، ئمڕوو سێشەممە، دووپات کرد وەزارەتەگە لەڕێ تیمەیل چەودێری خوەی توەنستییە کۆنتڕۆڵ نرخەیل کەرەستەیل خواردەمەنی و کالا سەرەکییەیل بکەێد، وە مدوو زانین بەرزەوبوین نرخ بەشیگ لە کالاێلە لە بازارەیل ناوخوەیی ئەرا شلقانن بارودۆخ ناوچەگە و داوەزیان بەهای دینار لە وەرانوەر دۆلار.
هەواری، لە کۆنگرەیگ رووژنامەوانی، ئاشکرا کە ئاڵۆزییەیل کە ناوچەگە وەخوەی دوینێد، وەرد بڕیار بانک ناوەندی عراقی وە داوەزانن بەهای دینار وەرانوەر دۆلار، ڕەنگیدایە وەبان نرخەیل کالا لە بازارەیل ناوخوەیی وە شێوەیگ دیار.
دیاریکرد وەزارەتەگە کۆبوینەوە وەرد گەورە بازرگانەیل و خاوەن دۆکانەیل و ئەمارەیل بازرگانییەیل لە پارێزگایەیل جیاجیای هەرێم ئەنجام دا ئەرا ئاگاداربوین لەبان ئەو ئاڵنگارییەیلە کە وەرەوروی بوودەو، و دیاریکردن بەرزەوبوینەگە رەسیە کەرەستەیل خام لە جیهان، بیجگە لە بازدان لە کراێ گواستنەوە و تێچگ کۆمپانیایەیل دڵنیایی (تەئمین)، کە ئەم بارەیلە لە کۆتاییدا کووی گشت زیاتر چوودەتێ لە بڕ گشتی کاڵاگە.
ئاشکراکرد ، بارودۆخ ئابووری لە عراق و هەرێم کوردستان هێمان فرە خاسترە وە بەراورد وەرد چەن وڵاتیگ لە ناوچەگە و وڵاتەیل هاوسا، وە دووپاتکردن لەبان ئەوەگ تیمەیل چەودێری بەسیاگ وە وەزارەتەگە گەردینەیل مەیدانی خوەیان خەستر کردنەو و سەرکەفتی بوین لە وسانن بەرزەوبوین نرخ کاڵا سەرەکییەیل کە رووژانە وەکار تیەن.