شه‌فه‌ق نيوز/ باره‌گاى مه‌سعود بارزانى سه‌رۆك پارت ديموكرات كوردستان، ئه‌وه خسته درو ك بارزانى شكايه‌ت دژ هاووڵاتييگ عراقى له نيشته‌جێ شار ديوانيه تۆمار كردوێد.
باره‌گاى بارزانى له به‌ياننامه‌يگ ك شه‌فه‌ق نيوز ئاگادارى بوێ، وت: شماره‌يگ له سايته‌يل كوردى و عه‌ره‌بى هه‌واڵيگ بڵاوكردنه وه ئه‌وه‌گ بارزانى شكايه‌ت دژ هاووڵاتييگ له پاريزگاى ديوانيه وه تومه‌ت ناوزڕانن تۆمار كردگه‌و له پاريزگاى نه‌جه‌ف ده‌سگير كرياگه.
به‌ياننامه‌گه وت: له‌يرا ئاشكراى ئه‌كه‌يم ك ئى باوه‌ته هويچ په‌يوه‌ندييگ وه بارزانييه‌و نه‌يرێد و بارزانى هويچ شايه‌تيگ دژ هويچ كه‌سيگ تۆمار نه‌كردگه‌و ئاگاداريش له‌ى باوه‌ته نيه.