بارزانی له كۆنگره‌يگ رووژنامه‌گه‌ری هاوبه‌ش وه‌ل عه‌لی باپير مير جه‌ماعه‌ت ئسلامی كوردستانی ك(شه‌فه‌ق نيوز)ئاماده‌ی بوی، وت: پارتی وه ته‌نيا وه‌رپرس نيه له چاره‌سه‌ر كيشه‌يل وه‌تايبه‌ت پۆست سه‌رۆك هه‌رێم، به‌ڵكوو بايه‌سه گشت حزب ولايه‌نه‌يل تر كوردستانييش ئی وه‌رپرسيارێتيه بگرنه مل و بڕيار بيه‌ن، چوينكه حزبيگ وه‌ته‌نيا ناتويه‌نيد بڕيار بيه‌يد له‌ی باوه‌ته‌و.
له‌لايه‌ن خوه‌ييشه‌و مير جه‌ماعه‌ت ئسلاميش باس له‌وه كرد ك دانيشتنه‌يل تر له‌ی باوه‌ته‌و ساز ئه‌كريه‌يد و له هه‌مان وه‌خت جه‌ختيش له‌بان خواست وه‌ديكردن شاره‌سه‌ريگ كرد ئه‌را گشت ئه‌و كيشه‌و قه‌يرانه‌يله ك ئه‌يه‌نه تويش هه‌رێم كوردستان.
ج . أ