شه‌فه‌ق نيوز/ مه‌سعود بارزانى سه‌ركرده‌ى كورد، پيروزبايى پيشكه‌ش وه‌ مه‌سيحيه‌يل كرد له‌ كوردستان و عراق و جه‌هان وه‌بوونه‌ى جه‌ژن قيامه‌ و ئوميد ئه‌وه‌يش خواست ئى بوونه‌ بدێده‌ هووكاريگ ئه‌را كووتاييهاتن په‌تاى كۆرۆنا و مه‌ويسى.

بارزانى له‌ په‌ياميگ ك روينويسيگى ره‌سيه‌ شه‌فه‌ق نيوز وت: وه‌بوونه‌ى جه‌زن قيامه‌ گه‌رمترين پيرووزبايى ئاراسته‌ى خوه‌يشك و برايه‌يل مه‌سيحى ئه‌كه‌م له‌ كوردستان و عراق و جه‌هان و ئوميد شادى و به‌خته‌وه‌رى ئه‌رايان ئه‌خوازم.

بارزانى وت: له‌ى بوونه‌، جه‌خت له‌بان رووشنهويرى لێبورده‌يى و ئاشتى ئه‌را ملله‌ت كوردستان ئه‌كه‌يم و جه‌خت له‌ خواست وه‌رداومى مه‌ندن كوردستان ئه‌كه‌يم جوور وڵاتيگ ئه‌را برايه‌تى و وه‌يه‌كه‌وژيان له‌ناونى گشت پيكهاته‌يل نه‌ته‌وه‌يى و ئايينى له‌ ناوچه‌گه‌.